[]
مہر خبررساں ایجنسی کے مطابق، المیادین نے کہا ہے کہ فلسطینی مقاومتی تنظیم القدس بریگیڈ نے غزہ کے نواحی علاقے نیر عام اور مفلاسیم میں صہیونی فوجی تنصیبات کو نشانہ بنایا ہے۔ حملوں کے بعد خطرے کے سائرن بجائے گئے ہیں۔
تحریک جہاد اسلامی فلسطین کے ذیل ونگ نے اپنے بیان میں کہا ہے کہ غزہ کے نہتے عوام پر صہیونی فوج کے وحشیانہ حملوں کے جواب میں دو صہیونی قصبوں کو راکٹوں سے نشانہ بنایا گیا ہے۔
تنظیم نے اپنے بیان میں غزہ کے محلہ الزیتون میں صہیونی فوجی تنصیبات پر حملے کا اعلان کیا ہے۔ بیان کے مطابق مجاہدین نے راکٹ حملہ کرکے میرکاوا ٹینک کو تباہ کردیا ہے۔
مقامی ذرائع کے مطابق فریقین کے درمیان شدید جھڑپیں جاری ہیں۔
