[]
حیدرآباد: شہرحیدرآباد کے کشائی گوڑہ میں پیش آئے سڑک حادثہ میں دو افراد ہلا ک ہوگئے۔یہ حادثہ اتوار کی صبح اُس وقت پیش آیا جب بائیک، روڈ ڈیوائیڈر سے ٹکراگئی۔
مہلوکین کی شناخت 33سالہ کرانتی اور23سالہ نریش کے طورپر کی گئی ہے۔یہ دونوں بائیک پر کشائی گوڑہ سے مولاعلی علاقہ کی سمت جارہے تھے کہ یہ حادثہ پیش آیا۔
حادثہ اتنا شدید تھا کہ دونوں موقع پر ہی ہلاک ہوگئے۔پولیس نے شبہ ظاہر کیا کہ تیز رفتاری کے نتیجہ میں یہ حادثہ پیش آیا۔پولیس نے لاشوں کوپوسٹ مارٹم کیلئے اسپتال منتقل کردیا۔
