آئی سی آئی سی آئی-ویڈیوکون لون معاملہ میں چندا کوچر اور ان کے شوہر کی گرفتاری غیر قانونی تھی، بامبے ہائی کورٹ

سال 2019 میں، سی بی آئی نے چندا کوچر، وینوگوپال دھوت اور نیو پاور رینیوایبلز، سپریم انرجی پرائیویٹ، ویڈیوکون انٹرنیشنل الیکٹرانکس لمیٹڈ اور ویڈیوکون انڈسٹریز لمیٹڈ جیسی کمپنیوں کے خلاف ایف آئی آر درج کی تھی۔ سی بی آئی نے الزام لگایا کہ آئی سی آئی سی آئی بینک نے بینکنگ قوانین، آر بی آئی کے رہنما خطوط اور بینک کی کریڈٹ پالیسی کی خلاف ورزی کرتے ہوئے ویڈیوکون گروپ کی کمپنیوں کو 3250 کروڑ روپے کی منظوری دی تھی۔ سی بی آئی نے مزید الزام لگایا کہ 2009 میں چندا کوچر کی سربراہی میں ایک کمیٹی نے بینک قوانین کی خلاف ورزی کرتے ہوئے ویڈیوکان انٹرنیشنل الیکٹرانکس لمیٹڈ کے لیے ایک مدتی قرض کی منظوری دی تھی۔