[]
حیدرآباد: ڈپٹی چیف منسٹر بھٹی وکرامارکہ کی اہلیہ نندنی ملو بھٹی نے آج پارلیمانی حلقہ کھمم سے کانگریس ٹکٹ کیلئے درخواستیں داخل کی ہے۔
بعدازاں گاندھی بھون میں پریس کانفرنس سے خطاب کرتے ہوئے نندنی نے بتایا کہ وہ حلقہ کھمم سے کانگریس ٹکٹ کے دعویدار کی حیثیت سے درخواست داخل کرچکی ہیں تاہم پارٹی نے سونیا گاندھی اور پرینکا گاندھی کو حلقہ کھمم سے پارلیمنٹ کیلئے مقابلہ کرنے کی درخواست کی ہے۔
اگر وہ مقابلہ کیلئے رضا مندی ظاہر کریں تو وہ اپنے دعوی سے دستبردار ہوجائیں گی اور ہم سب متحدہ طورپر مل کر انہیں شاندار کامیابی سے ہمکنار کریں گے۔
نندی نے بتایا کہ انہیں توقع ہے کہ سنٹرل الیکشن کمیٹی ان کی درخواست پر غور کرتے ہوئے انہیں حلقہ کھمم سے ٹکٹ دے گی تو وہ بھاری اکثریت سے کامیابی حاصل کریں گی اس کے برعکس کانگریس قیادت جو بھی فیصلہ کرے گی ہم اس کے پابند رہیں گے۔
نندنی نے کہا کہ کانگریس کی دوماہ کی حکومت کی کارکردگی سے عوام مطمئن ہیں اور آئندہ انتخابات میں کانگریس بھاری اکثریت سے منتخب ہوں گی۔
ہمیں فالو کریں
