[]
مہر خبررساں ایجنسی نے المیادین کے حوالے سے بتایا ہے کہ شام کی وزارت داخلہ نے اعلان کیا ہے کہ دمشق کے شہر زینبیہ میں ہونے والے دہشت گردانہ دھماکے میں شہید ہونے والوں کی تعداد 6 اور زخمیوں کی تعداد 23 ہوگئی ہے۔
یہ ایسے وقت میں ہے جب شامی اپوزیشن کے ذرائع نے اعلان کیا ہے کہ دمشق کے شہر زینبیہ میں دہشت گردانہ حملے کے متاثرین کی تعداد آٹھ ہو گئی ہے۔
اسی دوران شام کے وزیر صحت حسن محمد الغباش نے دمشق کے شہر زینبیہ میں ہونے والے دہشت گردانہ دھماکے کے نتیجے میں ہسپتالوں میں زخمیوں کی تازہ ترین صورت حال کے بارے میں آگاہ کرتے ہوئے زخمیوں کی صحت کو بہتر بنانے کے لیے تمام کوششیں بروئے کار لانے کی خبر دی ہے۔
ادھر دوران شام کی وزارت صحت نے اعلان کیا کہ دھماکے کے ابتدائی لمحات سے ہی 11 ایمبولینسیں جائے حادثہ پر بھیجی گئیں اور زخمیوں کو ہنگامی طبی اقدامات کے ذریعے قریبی ہسپتالوں میں بھیج دیا گیا ہے۔
