[]
حیدرآباد: چیف منسٹر اے ریونت ریڈی نے گودی انڈیا پرائیوٹ لمیٹڈ کی جانب سے ریاست میں 12.5 جی ڈبلیو ایچ سل مینو فیکچرنگ کیلئے لیتھیم گیگا فیکٹری کے قیام کیلئے 8000کروڑ روپے سرمایہ مشغول کرنے کے فیصلہ کا خیر مقدم کیا۔
آج ڈاوس میں ریونت ریڈی نے بانی سی ای او گودی انڈیا پرائیوٹ لمیٹڈ مہیش گودی سے ملاقات کی۔ ملاقات کے دوران مہیش گودی نے تلنگانہ میں آئندہ پانچ برسوں کے دوران 12.5Gwh سل مینو فیکچرنگ کیلئے لیتھیم اور سوڈیم آیان سے مربوط ٹکنالوجی ریسرچ اینڈ ڈیولپمنٹ کیلئے8000 کروڑ روپے سرمایہ کاری کرنے کا اعلان کیا۔
اس ضمن میں گودی انڈیا اور حکومت تلنگانہ کے درمیان یادداشت مفاہمت پر دستخط کئے گئے۔ اس مجوزہ پروجیکٹ کے ذریعہ مرحلہ اول میں 6000افراد کو ملازمت ملے گی اور
مرحلہ دوم میں کمپنی کی صلاحیت کو2.5Gwh سے بڑھا کر10.Gwh کردیا جائے گا چیف منسٹر نے گودی انڈیا کے اس فیصلہ کا خیرمقدم کیا۔
ہمیں فالو کریں
