[]
حیدرآباد: تلنگانہ کے وزیرعمارات وشوارع کومٹ ریڈی وینکٹ ریڈی نے کہا ہے کہ سابق مرکزی وزیر ایس جے پال ریڈی نے اُس وقت کے وزیر اعظم منموہن سنگھ اور کانگریس صدر سونیا گاندھی کو تلنگانہ کی تشکیل کے لیے قائل کرنے میں کلیدی رول ادا کیا تھا۔
وینکٹ ریڈی نے شہرحیدرآباد کی نیکلس روڈ پر جے پال ریڈی کی سمادھی پہنچ کر ان کی یوم پیدائش کے موقع پر پھول نچھاور کیا اور ان کوخراج پیش کیا۔
انہوں نے اس موقع پر میڈیا سے بات کرتے ہوئے کہا کہ جے پال ریڈی ہمیشہ کہاکرتے تھے کہ تلنگانہ کی تشکیل عمل میں آئے گی۔انہوں نے تلنگانہ کی تشکیل کے لئے دباوبنانے خودکشی نہ کرنے کی بھی تلنگانہ کے نوجوانوں سے اپیل کی تھی۔
انہوں نے ساتھ ہی یہ بھی یقین دلایاتھا کہ حیدرآباد مرکز کے زیر انتظام علاقہ نہیں رہے گا۔جے پال ریڈی نے اپنی سیاسی زندگی میں کبھی اپوزیشن کی طرف انگلی نہیں اٹھائی۔
ہمیں فالو کریں
