[]
اداکار مہیش بابو کی فلم گنٹور کارم کا ایونٹ اکھاڑا بن گیا، مداحوں نے آگے کی نشستیں حاصل کرنے کیلئے ایک دوسرے پر کرسیاں برسا دیں۔
مہیش بابو اس وقت اپنی فلم گنٹور کارم کی پروموشن میں مصروف ہیں، اس سلسلے میں گنٹور میں وہ ایک ایونٹ میں پہنچے۔ سوشل میڈیا پر شیئر ویڈیو میں دیکھا جاسکتا ہے کہ مہیش بابو کے پہنچنے پر ایونٹ میں بھگدڑ مچ گئی، جس میں پولیس عہدیدار زخمی ہوگیا۔
ویڈیو میں پولیس کو رکاوٹیں عبور کرتے، کرسیاں پھینکتے اور کھمبوں پر چڑھتے مداحوں کو روکتے ہوئے دیکھا جاسکتا ہے۔ ایونٹ میں آگے کی نشست حاصل کرنے کی کوشش میں مداح ایک دوسرے پر چڑھ دوڑے جس کے باعث بھگدڑ مچی۔
مذکورہ واقعے پر فلم کی ٹیم کی جانب سے ابھی تک کوئی بھی ردِ عمل سامنے نہیں آیا۔
یو این آئی کے بموجب فلم گنٹورکارم کے پری ریلیز ایونٹ کے موقع پر افراتفری کا ماحول آندھراپردیش کے ضلع گنٹور میں دیکھاگیا کیونکہ مداحوں اور فلم دیکھنے والوں کی بڑی تعداد جمع ہوگئی جس کے نتیجہ میں بھگدڑ مچ گئی۔
ہجوم پر قابو پانے کیلئے پولیس کو لاٹھی چارج کرناپڑا۔اس لاٹھی چارج میں کئی افراد زخمی ہوگئے۔
گنٹورکارم فلم کی ہدایت کاری تریوی کارم نے کی ہے۔اس فلم کے اداکاروں میں مشہور تلگو اداکارمہیش بابواورسری سیلا ہیں۔
یہ فلم 12جنوری کو تھیٹرس میں دکھائی جائے گی تاہم اس کو دکھائے جانے سے پہلے ہی اس فلم کے تعلق سے مداحوں میں کافی جوش وخروش دیکھاجارہا ہے۔
ہمیں فالو کریں
