[]
حیدرآباد: چیف منسٹر اے ریونت ریڈی نے کہاکہ حکومت نے ضلع ملگ میں بی آئی ایل ٹی مل (بلا پور انڈسٹریز لمیٹیڈ) کے احیاء کو ترجیح دینے کافیصلہ کیاہے۔
آج کملا پور پلپ مل (بی آئی ایل ٹی) کے احیاء کے متعلق عہدیداروں کے ساتھ منعقدہ جائزہ اجلاس سے خطاب کرتے ہوئے انہوں نے کہاکہ خسارہ کی نذر اس انڈسٹری کے احیاء سے علاقہ میں معاشی سرگرمیوں میں اضافہ اور مقامی عوام کو روز گار حاصل ہوگا۔
اس ضمن میں چیف منسٹر نے منیجنگ ڈائرکٹر ضن کیوسٹ فینانشیل سلوشنس پرائیویٹ لمیٹیڈ ہاردک پٹیل کے ساتھ میٹنگ کی۔
ضن کیوسٹ کی جانب سے این سی ایل اے آئی ٹی کی جانب سے بی آئی ایل ٹی کے اثاثہ جات متوقع سرمایہ کاروں کو دینے کا حق دیاگیاتھا چیف منسٹر نے کہاکہ وہ اس انڈسٹری کے احیاء کی شدید خواہش رکھتے ہیں اور ضن کیوسٹ کے ذمہ داروں سے اس سلسلہ میں ضروری اقدامات کرنے کی ہدایت دی۔
چیف منسٹر نے سی ای او آئی ٹی وڈپراج کلکرنی سے ملاقات کرتے ہوئے تلنگانہ میں زیر تعمیر پروجکٹس اور ان کے توسیعی منصوبوں پر تبادلہ خیال کیا۔
ہمیں فالو کریں
