[]
حیدرآباد: ”بھارت گورو“ٹرین کو ساوتھ سنٹرل ریلوے میں زبردست مقبولیت حاصل ہوئی ہے، جس کا ثبوت اس کی ٹرپس کو غیرمعمولی سرپرستی ہے۔ مسافروں کے زبردست ردعمل سے حوصلہ پاکر انڈین ریلوے کیٹرنگ اینڈ ٹورازم کارپوریشن نے شراون کے مہینے کے دوران ”دیویا دکشن یاترا ود جیوترلنگا“کے نام سے ایک نئے سیاحتی سرکٹ کو متعارف کیا ہے۔
نئی متعارف کرائی گئی ٹورسٹ ٹرین جنوبی ریاستوں ٹاملناڈو اور کیرل کے اہم سیاحتی مقامات سے گزرے گی۔ ”دیویا دکشن یاترا ود جیوترلنگا“تلنگانہ اور آندھرا پردیش کے ریل مسافروں کے لیے ایک انوکھا موقع فراہم کرتی ہے کہ وہ جیوترلنگ میں سے کسی ایک (رامیشورم) کے درشن کیلئے جاسکیں گے۔
سیا ح، سیاحتی مقامات جیسے کہ ترووناملائی،اروناچلم، مدورائی، تریونڈرم، تریچی اور ترنجیور کا سفر کرسکیں گے۔ یہ ٹرین تلنگانہ میں سکندرآباد،قاضی پیٹ، ورنگل اور کھمم کے ساتھ ساتھ آندھرا پردیش میں وجئے واڑہ، تینالی، اونگول، نیلور، گڈور اور رینی گنٹہ میں سوار ہونے اور اترنے کی سہولت فراہم کرتی ہے۔
