[]
میرٹھ۔: میرٹھ پولیس نے ایک 38 سالہ مسلم شخص کو گرفتار کرلیاہے جو گزشتہ کئی ماہ سے سادھو کے بھیس میں ایک مندر میں رہے رہاتھا۔
مشتبہ شخص کی گلو کی حیثیت سے شناخت ہوئی ہے جو ہریانہ کے ضلع پانی پت کے موضع گدھری کا ساکن ہے۔ اس پر ایک فوجداری کیس بھی ہے۔
یہ واقعہ اس وقت سامنے آیا جب پولیس کو یہ اطلاع ملی کہ ایک مسلم شخص قومی شاہراہ 58 پر شیومندر کے قریب موضع ماتر میں مقیم ہے اور سادھو ہونے کا دعوی کرتاہے۔
انہوں نے ایک شخص کو مندر کے احاطہ کے قریب سادھو کے لباس میں موجود پایا۔ حکام کے مطابق گلو جنوری 2023 سے مندر کے احاطہ میں مقیم تھا اور اپنے آپ کو سادھو ظاہر کررہاتھا۔
مقامی عوام کو اس کے پس منظر کا پتہ نہیں تھا۔ پولیس اس کی اس حرکت کے مقصد کا پتہ چلانے کی کوشش کررہی ہے کہ اس نے یہ بھیس کیوں اختیار کیاتھا۔
