[]
نئی دہلی: مرکزی وزیر داخلہ امیت شاہ، جمعرات 28 دسمبر کو تلنگانہ میں بی جے پی کی تنظیمی نشست کی صدارت کریں گے جس کا مقصد مجوزہ لوک سبھا انتخابات میں تلنگانہ میں پارٹی کو طاقتور بنانا اور آئندہ لوک سبھا انتخابات میں پارٹی کے اہم رول کو یقینی بنانا ہے۔
بی جے پی قائدین نے بتایا کہ حیدرآباد میں امیت شاہ، پارٹی کے کورگروپ کے اجلاس کی صدارت کریں گے اس اجلاس میں ریاست کے اہم قائدین شرکت کریں گے۔ بعدازاں مرکزی وزیر داخلہ، پارٹی کے منڈل صدور سے بھی تبادلہ خیال کریں گے۔ وہ بھاگیہ لکشمی مندر میں بھی پوجا کریں گے۔
بھگوا جماعت کے ایک سینئرقائد جو پارٹی کے ایک اہم حکمت عملی ساز بھی ہیں، نے بتایا کہ بی جے پی نے 2019 کے عام انتخابات میں تلنگانہ کے17 کے منجملہ لوک سبھا کی 4نشستوں سے کامیابی حاصل کی تھی تاہم تلنگانہ اسمبلی کے حالیہ انتخابات میں ایک اہم طاقتور فورس بننے کی بی جے پی کی امیدوں کو شدید دھکہ پہونچاتھا۔ ان انتخابات میں کانگریس نے شاندار جیت درج کراتے ہوئے اقتدار پر قبضہ کرلیا۔
ہمیں فالو کریں
