[]
جدہ: پرتگال کے اسٹار فٹبالر کرسیٹانو رونالڈو نے سعودی عرب کے کلب النصر کو میجر لیگ ساکر (ایم ایس ایل) سے بہتر قرار دیا۔
النصر کے کپتان کرسٹیانو رونالڈو نے کہاکہ سعودی پرو لیگ امریکہ کی میجر لیگ ساکر سے بہتر ہے، مجھے یقین ہے کہ میرے جانے کے بعد مزید شہرت یافتہ فٹبالرز یہاں کا دورہ کریں گے۔
انہوں نے کہاکہ وہ کسی یوروپی کلب میں واپس نہیں آرہے ہیں البتہ سعودی ڈویژن کئی یوروپی اور ڈچ لیگز کو پیچھے چھوڑ دے گا۔ کرسٹیانو رونالڈو نے کہاکہ یوروپی فٹبال کلبز نے لیگ کے معیار کو کھودیا ہے۔
تاہم انگلش پریمیر لیگ تمام لیگز میں سب سے آگے ہے۔ گزشتہ سال دسمبر میں رونالڈو نے سعودی کلب النصر کو 200 ملین یورو سے زیادہ مالیت کے معاہدے پر دستخط کیے تھے۔
واضح رہے کہ رونالڈو کا بیان ایسے وقت میں سامنے آیا ہے جب ارجنٹائن کو ورلڈکپ جتوانے والے لیونل میسی کے کلب انٹرمیامی میں جوائن کیا اور ان کی اس تقریب دنیا بھر میں 3.5 بلین (ساڑھے 3 ارب سے زائد) افراد نے براہ راست دیکھا جبکہ رونالڈو نے النصر کلب جوائن کرنے پر پہلی تقریب میں (3 ارب سے زائد) ناظرین کو اپنی طرف متوجہ کیا تھا۔
دوسری جانب میسی کی انٹرمیامی میں شمولیت کے بعد امریکہ میں سب سے زیادہ فالو کی جانے والی اسپورٹس ٹیم بن گئی ہے جبکہ انسٹاگرام پر فالوورز کی تعداد میں چھ گنا اضافہ ہوا ہے۔
