[]
حیدرآباد: نا گر کرنول پولیس نے 11افراد کے قتل میں ملوث ملزم کو گرفتار کرلیا۔ پولیس ذرائع کے بموجب ناگر کرنول، اندرا نگر کا 47سالہ آر ستیہ نارائنہ عرف ستیہ یادو کو گرفتار کرلیا گیا۔
اسے ایک شخص کے لاپتہ ہونے پر حراست میں لے کر تفتیش کی گئی تو اس نے بتایا کہ 11افراد کو وہ قتل کیاہے۔ اس کا طریقہ یہ تھا کہ پہلے وہ اجنبی افراد کو باتوں میں پھنساتا تھا۔
پھر انہیں خزانہ نکالنے کا جھانسہ دیکر ویران مقام پر لے جاتا تھا اور زہرکھلاکر قتل کردیا کرتاتھا۔ اوران کا قیمتی سامان اور رقم لے کر فرار ہوجایا کرتا تھا۔
اس نے 11افراد کے قتل کا انکشاف کیا ہے۔ بتایا جاتا ہے کہ ملزم کے خلاف مختلف پولیس اسٹیشنوں میں 12تا 16کیسس درج ہیں۔ پولیس کو شبہ ہے کہ ملزم کم سے کم 20قتل کی وارداتوں میں ملوث ہوسکتا ہے۔
