[]
مبینہ منی لانڈرنگ معاملے میں 18 ماہ تک جیل میں رہے مہاراشٹر کے سابق وزیر نواب ملک آج نائب وزیر اعلیٰ اجیت پوار کی قیادت والے این سی پی گروپ میں شامل ہو گئے۔ جمعرات کی صبح نواب ملک مہاراشٹر قانون سازیہ کے سرمائی اجلاس کے لیے ناگپور گئے اور وِدھان بھون احاطہ میں اجیت پوار کے گروپ میں شامل ہو گئے۔ اسے این سی پی پر دعوے کی لڑائی میں مصروف شرد پوار کے لیے ایک زبردست جھٹکا مانا جا رہا ہے، کیونکہ نواب ملک ان کے بے حد قریبی لیڈروں میں سے ایک تھے۔
