[]
ممبئی: بورڈ آف کنٹرول فار کرکٹ ان انڈیا (بی سی سی آئی) نے ایک بار پھر راہول دراویڈ کو ٹیم انڈیا کا کوچ مقرر کیا ہے۔ ان کا معاہدہ ونڈے ورلڈ کپ 2023 کے بعد ختم ہوگیا تھا۔
اب بی سی سی آئی نے ان کا معاہدہ بڑھا دیا ہے۔ راہول دراویڈ کے ساتھ اسپورٹس اسٹاف کے معاہدہ میں بھی توسیع کردی گئی ہے۔ بی سی سی آئی نے یہ نہیں بتایاکہ ہیڈ کوچ اور معاون عملے کی مدت میں کتنے دن کی توسیع کی گئی ہے۔
بی سی سی آئی کی طرف سے جاری کردہ پریس ریلیز میں کہا گیاہے کہ بی سی سی آئی نے حال ہی میں ختم ہونے والے ونڈے ورلڈکپ 2023 کے بعد معاہدہ ختم ہونے کے بعد راہول دراویڈ کے ساتھ بامعنی بات چیت کی اور سب کی رضا مندی سے معاہدہ میں توسیع کا فیصلہ کیاگیا۔
پریس ریلیز میں مزید لکھا گیاکہ بورڈ ہندوستانی ٹیم کی تشکیل میں راہول دراویڈ کے کردار کو تسلیم کرتاہے اور ان کی غیر معمولی پیشہ ورانہ مہارت کی تعریف کرتاہے۔ بورڈ این سی اے کے ہیڈ کوچ اور ٹیم انڈیا کے اسٹینڈ ان ہیڈ کوچ کے طورپر وی وی ایس لکشمن کے کردار کی بھی تعریف کرتاہے۔
بالکل اسی طرح جیسے ان کی عظیم آن فیلڈ شراکت داری، راہول دراویڈ اور وی وی ایس لکشمن نے ہندوستانی کرکٹ کو آگے بڑھایا ہے۔ ہندوستانی ہیڈ کوچ نے کہاکہ ہندوستانی ٹیم کے ساتھ پچھلے دو سال یادگار رہے ہیں۔ ہم نے ایک ساتھ اتار چڑھاؤ دیکھا ہے اور اس پورے سفر میں گروپ کے اندر تعاون اور دوستی حیرت انگیز رہی ہے۔
ہمیں اس ثقافت پر فخر ہے جو ہم نے ڈریسنگ روم میں قائم کیاہے۔ یہ ثقافت لچکدار ہے، چاہے فتح ہو یا بدقسمتی۔
ہماری ٹیم کے پاس جو مہارت اور جذبہ ہے وہ حیرت انگیز ہے اور جس چیز پر ہم نے زور دیا ہے وہ یہ ہے کہ آپ صحیح عمل کی پیروی کریں اور اپنی تیاری پر قائم رہیں جس کا مجموعی نتیجہ پر براہ راست اثر پڑتا ہے۔
انہوں نے مزید کہاکہ میں بی سی سی آئی کا شکریہ ادا کرتا ہوں کہ انہوں نے مجھ پر اعتماد ظاہر کیا، میرے ویژن کی توثیق کی اور اس عرصے میں مدد فراہم کی۔
