[]
حیدرآباد: تلنگانہ میں کل ہونے والی رائے دہی کے سلسلہ میں ریاستی دارالحکومت حیدرآباد کے علاوہ تمام اضلاع میں انتخابی سامان کی تقسیم کا عمل شروع ہوگیا ہے۔
پولنگ اہلکار ڈسٹری بیوشن مراکز تک پہنچ رہے ہیں۔ اہلکار انہیں ای وی ایم، وی وی پیاڈ اور دیگر آلات فراہم کر رہے ہیں۔ پولنگ عملہ بدھ کی شام تک مراکز پہنچ جائے گا۔
ریاست بھر میں 35,655 پولنگ اسٹیشن قائم کئے گئے ہیں۔ 1.85 لاکھ طلباء الیکشن ڈیوٹی میں حصہ لیں گے۔ حکام 27,094 پولنگ اسٹیشنوں میں ویب کاسٹنگ کے انتظامات کر رہے ہیں۔
پولنگ کے عمل کی نگرانی کے لیے 22 ہزار مبصرین اور سکواڈس تعینات کیے گئے ہیں۔ پولنگ جمعرات کو صبح 7 بجے سے شام 5 بجے تک ہوگی۔
