ہر ایک حلقۂ اسمبلی میں کھولے جائیں گے ’تلنگانہ پبلک اسکول‘: وزیر اعلیٰ ریونت ریڈی

وزیر اعلیٰ نے اس بات پر روشنی ڈالی کہ طلبہ کو ناشتہ، دوپہر کا کھانا، معیاری یونیفارم اور کِٹس فراہم کی گئی ہیں۔ نوجوانوں کو معیاری تعلیم اور ہنر فراہم کرنے کی کوششوں کے تحت ’ینگ انڈیا انٹیگریٹڈ ریزیڈنشیل اسکول‘ اور ’ینگ انڈیا اسکلز یونیورسٹی‘ بھی قائم کی گئی ہیں۔ وزیر اعلیٰ ریونت ریڈی نے اسکولوں میں صلاحیتوں کو نکھارنے کے لیے کھیلوں کو اہمیت دینے پر زور دیا۔ ’ینگ انڈیا اسپورٹس یونیورسٹی‘ کا قیام اولمپک کھیلوں میں میڈل جیتنے کے مقصد سے کیا گیا ہے۔ اسکولوں میں کھیلوں کا تربیتی پروگرام پہلے ہی شروع کیا جا چکا ہے۔