اے آئی کا بلبلہ پھوٹنے لگا! لاکھوں ملازمین کو فارغ کرنے والی کمپنیاں اخراجات کے بوجھ سے پریشان

کئی کمپنیوں نے حال ہی میں برطرفی کو نافذ کرتے وقت اے آئی کا حوالہ دیا۔ کچھ نے کہا کہ آٹومیشن سے کم لوگوں میں زیادہ کام ہو سکتا ہے لیکن مسئلہ یہ ہے کہ ابھی تک اے آئی نے اتنی پیداوار بھی نہیں دکھائی جتنا وعدہ کیا گیا تھا۔ نیشنل بیورو آف اکنامک ریسرچ کے ایک مطالعے سے انکشاف ہوا ہے کہ 90 فیصد کمپنیوں نے اعتراف کیا ہے کہ ان کی پیداور یا روزگار پر اے آئی کا ابھی تک کوئی خاص اثر نہیں نظر آیا، اس کے باوجود کمپنیاں مستقبل کی امیدوں میں اربوں ڈالر خرچ کر رہی ہیں۔