آسام میں 12 مئی کو ہوگی نئی حکومت کی حلف برداری، پی ایم مودی کی شرکت کا بھی امکان

آسام میں نئی حکومت کی تشکیل کے لیے حلف برداری تقریب کا انعقاد 12 مئی کو ہوگا۔ یہ تقریب گواہاٹی کے خانہ پارہ واقع ویٹنری فیلڈ میں منعقد ہوگا۔ تقریب میں وزیر اعظم نریندر مودی، کئی مرکزی وزراء، بی جے پی حکمراں ریاستوں کے وزرائے اعلیٰ و نائب وزرائے اعلیٰ اور صنعتی دنیا کے نمائندے شامل ہو سکتے ہیں۔ یہ جانکاری ریاست کے چیف سکریٹری روی کوٹا نے دی ہے۔

روی کوٹا نے حلف برداری کی تیاریوں سے متعلق جانکاری دیتے ہوئے بتایا کہ سیکورٹی انتظامات اور حلف برداری کے لیے اعلیٰ سطحی جائزہ میٹنگ منعقد ہوا۔ اس میٹنگ میں پولیس ڈائریکٹر جنرل سمیت اعلیٰ افسران کے ساتھ سیکورٹی، ٹریفک مینجمنٹ، پروٹوکول اور کوآرڈنیشن پر تبادلہ خیال کیا گیا۔ 12 مئی سے قبل سبھی تیاریاں مکمل کر لی جائیں گی تاکہ کسی طرح کی دقت پیش نہ آئے۔

قابل ذکر ہے کہ آسام کے وزیر اعلیٰ ہیمنت بسوا سرما نے گورنر کو اپنا استعفیٰ پہلے ہی دے دیا ہے۔ گورنر نے نئے وزیر اعلیٰ کی حلف برداری تک انھیں کارگزار وزیر اعلیٰ کی شکل میں کام جاری رکھنے کے لیے کہا ہے۔ اس سے قبل بی جے پی پارلیمانی پارٹی کے لیڈر کا انتخاب کرنے کے مقصد سے مرکزی وزیر جے پی نڈا کو مبصر اور نائب سنگھ سینی کو شریک مبصر مقرر کیا گیا۔ آسام اسمبلی انتخاب میں این ڈی اے نے 126 میں سے 102 سیٹیں جیت کر مستقل تیسری بار اقتدار حاصل کیا ہے۔