محکمہ موسمیات کے مطابق شمال مغربی ہندوستان میں 28 اپریل سے یکم مئی کے درمیان درجہ حرارت میں 5-3 ڈگری سیلسیس تک کی گراوٹ آ سکتی ہے، حالانکہ کچھ علاقوں میں گرم لہر اور حبس والی گرمی کا اثر بھی برقرار رہے گا، لیکن بارش کے بعد حالات میں بہتری ہوگی۔ اسی طرح کرناٹک، کیرالہ، تلنگانہ، آندھرا پردیش، تمل ناڈو اور پڈوچیری میں 28 اپریل سے یکم مئی کے درمیان گرج چمک کے ساتھ بارش اور تیز ہوائیں چل سکتی ہیں۔ کچھ علاقوں میں ژالہ باری کا بھی امکان ہے۔ آسام، میگھالیہ، اروناچل پردیش، ناگالینڈ، منی پور، میزورم اور تریپورہ میں گرج چمک کے ساتھ بارش اور 50-30 کلومیٹر فی گھنٹہ کی رفتار سے ہوائیں چل سکتی ہیں۔ کئی علاقوں میں بھاری بارش کا بھی الرٹ جاری کیا گیا ہے۔
دہلی کو ملنے والی ہے راحت! اگلے 48 گھنٹوں میں بارش کا الرٹ، جموں و کشمیر سمیت کچھ ریاستوں میں برف باری کی پیشین گوئی
