کیمپ میں علاقے کے علاوہ اطراف کے دیہات سے بھی بڑی تعداد میں عوام شریک ہوئے۔ بلا تفریق مذہب و ملت تقریباً 200 مریضوں نے اپنے امراض کا معائنہ کرایا اور مفت ادویات حاصل کیں۔ اس دوران خاص طور پر یونانی طریقۂ علاج کے تحت مریضوں کی دیکھ بھال کی گئی، جس میں معدہ و ہاضمہ کے مسائل، جلدی بیماریاں، جوڑوں کا درد، بخار، نزلہ و زکام، شوگر اور بلڈ پریشر جیسے امراض کا ماہر اطباء نے باریک بینی سے معائنہ کیا۔
کیمپ میں دہلی سے تشریف لانے والے ماہر اطباء، جن میں ڈاکٹر سید احمد خان، اسرار احمد اجینی، ڈاکٹر نواز الحق، ڈاکٹر انیس الرحمن، ڈاکٹر محمد روشن، ڈاکٹر سید منصور علی، سید اسد شاہ، آئی اے صدیقی اور سید معیظ علی شامل تھے، نے اپنی خدمات انجام دیں۔ اسی طرح ادے پور سے آئی نرسنگ آفیسر افسانہ بانو، جو دھارام، ونیت شرما اور ان کی ٹیم نے بھی نہایت ذمہ داری کے ساتھ مریضوں کی دیکھ بھال میں اہم کردار ادا کیا۔
