دراندازی سے متعلق امت شاہ کے الزامات پر ٹی ایم سی لیڈر کا تلخ حملہ، شیخ حسینہ کی صورتحال واضح کرنے کا چیلنج

دراندازوں کے خلاف سخت کارروائی کرنے اور انہیں کونے کونے سے تلاش کرنے کے امت شاہ کے دعوے کا حوالہ دیتے ہوئے ابھیشیک بنرجی نے الزام لگایا کہ مرکزی وزیر داخلہ بار بار ایک ہی بات کو دہرا رہے ہیں اور اس معاملے پرغلط معلومات پھیلا رہے ہیں۔ انہوں نے کہا کہ اگر ہم دراندازی کی بات کریں تو بنگلہ دیش کی معزول وزیر اعظم شیخ حسینہ کی صورتحال پر کیا کہا جائے گا، جو گزشتہ ڈیڑھ سال سے ہندوستان میں رہ رہی ہیں؟ کیا وہ بنگلہ دیشی درانداز ہیں؟