پائلٹ نے ایئر ٹریفک کنٹرول سے مسلسل رابطہ برقرار رکھا، لیکن خراب موسمی حالات کے سبب فوری لینڈنگ ممکن نہ ہو سکی۔ اس دوران طیارہ ایک گھنٹے سے زائد عرصے تک فضا میں چکر لگاتا رہا۔ ذرائع کے مطابق ایک مرحلے پر یہ بھی غور کیا گیا کہ اگر موسم میں بہتری نہ آئی تو طیارے کو کسی قریبی ہوائی اڈے کی جانب موڑ دیا جائے۔
بالآخر شام کے وقت موسم میں بہتری آئی اور ایئر ٹریفک کنٹرول نے لینڈنگ کی اجازت دے دی۔ طیارہ تقریباً پانچ بج کر انیس منٹ پر بحفاظت لینڈ کر گیا۔ ہوائی اڈے کے ایک اہلکار نے بتایا کہ خراب موسم کے باعث کچھ دیر کے لیے پروازوں کی آمد و رفت بھی متاثر رہی اور تقریباً بیس منٹ تک آپریشن عارضی طور پر روکنا پڑا۔
