راجیہ سبھا میں کانگریس کی رکن پارلیمنٹ رجنی پاٹل نے پرامن احتجاج کے حق پر زور دیتے ہوئے کہا کہ حالیہ عرصے میں نوجوانوں، کسانوں، خواتین کھلاڑیوں اور قبائلی برادریوں نے اپنے مسائل پر آواز اٹھائی، لیکن بعض مواقع پر ان احتجاجات کو سختی سے دبایا گیا اور مظاہرین کو ملک مخالف قرار دے کر کارروائی کی گئی۔ انہوں نے حکومت سے مطالبہ کیا کہ پرامن احتجاج کے تئیں نرم پالیسی اپنائی جائے، پولیس طاقت کا استعمال آخری چارہ کار ہو اور تمام فریقین کے ساتھ بامعنی اور ادارہ جاتی مکالمہ قائم کیا جائے۔
پارلیمنٹ میں کانگریس ارکان کی جانب سے اٹھائے گئے ان سوالات نے کسانوں کی حالت زار، حکومتی اسکیموں کی شفافیت اور جمہوری اقدار کے تحفظ جیسے نکات کو ایک بار پھر مرکزِ بحث بنا دیا ہے۔
