ایم اے ماجد کی رپورٹ
تلنگانہ کے کاماریڈی میں کمسن بچوں کی گمشدگی نے سنسنی پھیلا دی ہے۔ جمعہ کے روز دو بچے لاپتہ ہوگئے تھے جبکہ آج مزید تین بچے لاپتہ ہونے کی اطلاع ملی ہے۔
کاماریڈی شہر کے گوسنگی کالونی سے تعلق رکھنے والے 10سالہ سمہادری اور 9سالہ وجے جمعہ کے روز لاپتہ ہوگئے۔ اس کے بعد ہفتہ کو وکاس نگر کے رہنے والے آٹو ڈرائیور اسماعیل کی تین بیٹیاں 8ساکہ شفاعت ؛ 7سالہ آیات اور 5سالہ مریم بھی لاپتہ ہوگئیں۔
اطلاعات کے مطابق آج صبح تینوں بچیاں اپنے والد کے ساتھ آٹو میں گھر سے نکلی تھیں۔ والد کا کہنا ہے کہ انہوں نے بچیوں کو ایک دکان کے پاس اتار دیا اور خود کرایہ لینے چلے گئے۔
دو دنوں میں مجموعی طور پر پانچ بچوں کے لاپتہ ہونے سے والدین سخت تشویش میں مبتلا ہیں۔ اس معاملے میں کاماریڈی پولیس کو شکایت درج کرائی گئی ہے۔
ایڈیشنل ایس پی چیتنیا ریڈی، ٹاؤن سی آئی نرہری اور رورل سی آئی رامن کی نگرانی میں پولیس نے تین ٹیمیں تشکیل دے کر سی سی ٹی وی کیمروں کی مدد سے تحقیقات شروع کر دی ہیں۔ حکام نے عوام سے اپیل کی ہے کہ اگر کسی کو لاپتہ بچوں کے بارے میں کوئی اطلاع ملے تو فوری طور پر پولیس کو اطلاع دیں۔
Parents:
Shabina :9892366250
Ismail:9030745568
