[]
حیدرآباد: صدرتلنگانہ تلگودیشم کاسانی گیانیشور نے سوشیل میڈیا سائیٹ ایکس پر متحدہ آندھراپردیش کے سابق وزیراعلی وتلگودیشم سربراہ این چندرابابونائیڈو کے فرزند این لوکیش کے حوالہ سے پیش کردہ خبر کی تردید کی ہے جس میں کہاگیا ہے کہ تلگودیشم تلنگانہ کے اسمبلی انتخابات میں حصہ نہیں لے گی۔
کاسانی گیانیشور نے آج ایک بیان میں بتایا کہ انہوں نے لوکیش سے اس خبر کے بارے میں بات چیت کی جنہوں نے بتایا کہ ان کی جانب سے ایسا کوئی بیان جاری نہیں کیا گیا ہے۔
کاسانی گیانیشور نے واضح کیا کہ تلگودیشم تلنگانہ میں اسمبلی انتخابات میں حصہ لے گی اور تمام 119 اسمبلی نشستوں کیلئے مقابلہ کرے گی۔
