[]
اسلام آباد: پاکستان نے چہارشنبہ کے دن کہا کہ اس نے اپنی قوتِ مزاحمت کو مزید مستحکم کرنے ابابیل ویپن سسٹم کا کامیاب فلائٹ ٹسٹ کیا ہے۔
فوج کے جاری کردہ بیان میں کہا گیا کہ یہ مزائل سسٹم قوت ِ مزاحمت کو مستحکم کرنے اور خطہ میں اسٹراٹیجک استحکام بڑھانے کے لئے ہے۔
فوج نے مزید کوئی تفصیل نہیں بتائی۔ فلائٹ ٹسٹ کے وقت جنرل ساحر شمشاد مرزا‘ چیرمین جوائنٹ چیفس آف اسٹاف کمیٹی (سی جے سی ایس سی)‘ سینئر عہدیدار‘ سائنسداں اور دفاعی اداروں کے انجینئرس موجود تھے۔
صدر عارف علوی‘ نگراں وزیراعظم انوارالحق کاکڑ اور مسلح افواج کے تینوں سربراہوں نے اس کامیابی پر اسٹراٹیجک فورسس کے تمام ارکان کو مبارکباد دی۔
