[]
ممبئی: ایک سنسنی خیز واقعہ میں، منگل کی صبح یہاں بی ایم سی کے شیواجی پارک ،دادر سوئمنگ پول میں ایک دو فٹ لمبے مگرمچھ کے بچے کو ’ڈبکی‘ لیتے ہوئے دیکھا گیا، جس سے تیراکوں میں خوف پھیل گیا۔
یہ واقعہ آج فجر کے وقت پیش آیا جب تیراکی کے چند انسٹرکٹرز نے رینگنے والے جانور کو بڑے تالاب میں تیراکی سے لطف اندوز ہوتے دیکھا،
مقامی باشندے اور مہاراشٹر نونرمان سینا (ایم این ایس) کے ترجمان سندیپ دیش پانڈے نے یہ جاننے کا مطالبہ کیا کہ “مگرمچھ سوئمنگ پول میں کہاں سے آیا” اور وہاں تیراکوں کی حفاظت کے خدشات کو جنم دیا۔
ایک تربیت دینے والے نے میڈیا کے نمائندوں کو بتایا کہ کچھ ہفتے پہلے، ایک سانپ بھی سوئمنگ پول میں پھنس گیا تھا – مذکورہ واقعہ سے تیراکوں میں ایک بہت بڑا خوف پیدا کر دیا تھا۔
غیر مصدقہ اطلاعات کے مطابق مگرمچھ کے بچے نے پولز میں ایک شہری ملازم کو مبینہ طور پر کاٹ لیا، فی الحال حکام نے اس پر کوئی تبصرہ کرنے سے انکار کردیا۔
بعد ازاں محکمہ جنگلات کےحکام کی ایک ٹیم سوئمنگ پول پہنچی، رینگنے والے جانور کو پھنسانے اور پکڑنے میں کامیاب ہو گئی، اس سے پہلے کہ سوئمنگ پول کو تیراکوں کے لیے صاف کیا جائے۔اسے بند کیاگیاہے۔
بی ایم سی نے اس بات کا پتہ لگانے کے لیے تحقیقات شروع کردی ہیں کہ رینگنے والا جانور تیراکی تک جانے کا راستہ کیسے اور کہاں سے تلاش کرنے میں کامیاب ہوا۔
