[]
حیدرآباد: آندھراپردیش سی پی آئی کے سکریٹری راما کرشنا نے کہا ہے کہ اے پی میں ہر جگہ آنگن واڑی مراکز میں خدمات انجام دینے والے ورکرس کو گرفتار کیاجارہا ہے۔
یہ گرفتاری نامناسب ہے۔ انہوں نے ریاستی حکومت پر جمہوری حقوق کی خلاف ورزی کا الزام لگایا۔ کے رام کرشنا نے کہا کہ ریاست میں پولیس راج چل رہا ہے۔
وزیراعلی جگن عوامی تحریکوں کو دبانے کی سازش کے ساتھ حکومت کر رہے ہیں۔ تمام جمہوریت پسندوں کو ان بری پالیسیوں کی مذمت کرنی چاہیے۔
اے آئی ٹی یو سی، سی آئی ٹی یو، آئی این ٹی یو سے وابستہ یونینوں نے آنگن واڑی ورکرس کے مسائل کے حل کامطالبہ کرتے ہوئے احتجاج کیلئے چلو وجئے واڑہ کی اپیل کی تاہم پولیس نے ان کو روک دیااور مختلف اضلاع میں پولیس نے آنگن واڑی ورکرس کوحراست میں لیا گیا۔
