راہل گاندھی نے ’میک اِن انڈیا‘ کی ناکامی کی کئی وجوہات گنوائیں، جن میں سب سے اہم نوجوانوں میں ریکارڈ سطح پر بیروزگاری، گھٹتا ہوا مینوفیکچرنگ سیکٹر اور چین سے بڑھتی ہوئی درآمدات شامل ہیں۔ انہوں نے دعویٰ کیا کہ چین سے درآمدات دوگنی ہو چکی ہیں، جبکہ خود ہندوستانی صنعت سکڑ رہی ہے۔
انہوں نے یہ بھی دعویٰ کیا کہ سرکار کی ’پروڈکشن لنکڈ انسینٹیو (پی ایل آئی) اسکیم‘، جسے بہت بڑھا چڑھا کر پیش کیا گیا تھا، اب خاموشی سے واپس لی جا رہی ہے۔ پی ایل آئی اسکیم کا مقصد ہندوستان میں مینوفیکچرنگ کو فروغ دینا اور غیر ملکی سرمایہ کاری کو راغب کرنا تھا مگر راہل گاندھی کے مطابق یہ بھی محض ایک نعرہ بن کر رہ گئی ہے۔
