[]
امراوتی: ایک اسکولی بس جو بچوں کو لے کر جارہی تھی، کے ڈرائیور کے قلب کی حرکت بند ہونے کے بعد اس بس میں سوار زائد از40بچے، کرشماتی طور پر بچ گئے۔
اے پی کے ضلع باپٹلہ میں چہارشنبہ کے روز بس کے ذریعہ ان بچوں کو اسکول منتقل کیا جارہا تھا۔
ادنکی ٹاون کے میلاورم، اوپلاپاڈو اور ویم پارا گاؤں سے بچوں کو بس میں سوار کرانے کے بعد ڈرائیور53 سالہ جی ایڈوکنڈالو بس چلاتے ہوئے جارہے تھے کہ یہ واقعہ پیش آیا۔
پولیس کے مطابق اوپلا پاڈو سے روانگی کے وقت ڈرائیور کے قلب پر شدید حملہ ہوا مگر موت سے چند لمحے قبل ڈرائیور نے بس کو روکدیا اس طرح ایک بڑا حادثہ ٹل کیا۔
مقامی افراد نے فوری ڈرائیور کو ہاسپٹل منتقل کردیا جہاں اسے مردہ قرار دیا گیا۔ ایک دوسرے ڈرائیور نے اس بس میں سوار بچوں کو اسکول منتقل کردیا۔
