محکمہ موسمیات کے مطابق، 8 سے 12 جون تک درجہ حرارت 40 سے 42 ڈگری سیلسیس کے درمیان رہ سکتا ہے۔ ان دنوں میں نمی کی مقدار بھی بڑھنے لگے گی، جو گرمی کے ساتھ ساتھ شدید حبس کا سبب بنے گی۔ اندازے کے مطابق، 6 جون کو صبح کے وقت ہوا میں نمی کی شرح 50 فیصد اور شام کے وقت 30 فیصد رہ سکتی ہے، جبکہ 11 جون کو یہ شرح بڑھ کر 50 فیصد اور 40 فیصد تک پہنچنے کا امکان ہے۔
محکمہ موسمیات نے اگرچہ فی الحال کسی قسم کی سرکاری وارننگ جاری نہیں کی ہے لیکن موسمیاتی ماہرین خبردار کر رہے ہیں کہ موجودہ حالات ہیٹ ویو یعنی ’لو‘ جیسی کیفیت پیدا کر سکتے ہیں۔ ماہرین نے خاص طور پر بچوں، بزرگوں اور بیمار افراد کو احتیاط برتنے کا مشورہ دیا ہے۔
