حیدرآباد: تلنگانہ کے ناگر کرنول ضلع میں ایس ایل بی سی ٹنل میں 22 فروری کو پیش آئے حادثہ کے سلسلہ میں جاری امدادی کارروائیوں کے 32ویں دن ایک اور لاش برآمد ہوئی، جس سے ریسکیو آپریشن میں کچھ پیش رفت دیکھی جا رہی ہے۔
مٹی اور دیگر ملبے کو مِنی ہٹاچی کے ذریعہ ہٹانے کے دوران، کنویئر بیلٹ سے تقریباً 50 میٹر دور ایک لاش دکھائی دی۔ ریسکیو ٹیمیں اس لاش کو نکالنے کے لیے امدادی کارروائیاں جاری رکھے ہوئے ہیں۔
گزشتہ 32 دنوں سے جاری امدادی آپریشن میں تقریباً 700 افراد مصروف ہیں، اور اب تک دو لاشیں برآمد ہو چکی ہیں، جبکہ مزید 6افراد کی تلاش کے لیے سرنگ میں کھدائی کا کام جاری ہے۔
اس بات کی تصدیق نہیں ہوئی ہے کہ یہ لاش کس کی ہے۔
ہمیں فالو کریں
