حیدرآباد ۔ کے این واصف
مسجد نبوی کی انتظامیہ نے زائرین کی سہولت کے لیے اردو، انگلش اور عربی زبانوں میں ڈیجیٹل نقشے جاری کیے ہیں جن کے ذریعے نماز کے اوقات میں مسجد میں گنجائش کے بارے میں معلومات حاصل کی جا سکتی ہیں۔
سعودی خبر رساں ادارے “ایس پی اے” کے مطابق انتظامیہ کی جانب سے جاری کیے جانے والے ڈیجیٹل نقشے کے ذریعے مسجد نبوی کی اندرونی و بیرونی براہ راست صورتحال معلوم کرنے کے لیے کیوآر کوڈ اسکین کیا جاتا ہے جس سے یہ معلوم کرنے میں سہولت ہوجاتی ہے کہ کہاں جگہ خالی ہے اور کون سے مقامات بھرے ہوئے ہیں۔
یجیٹل نقشے کے ذریعے مسجد نبوی کے 12 مقامات کی نشاندہی کرتے ہوئے وہاں افراد کی تعداد کے مطابق گنجائش کا تعین کیا جا سکتا ہے۔جس مقام پر لوگ زیادہ ہوتے ہیں اور وہاں مزید گنجائش نہیں ہوتی تو نقشے میں وہ مقام “فل” ظاہر کرے گا۔کم گنجائش ہونے یا خالی ہونے کی صورت میں بھی نقشہ اس مقام کے بارے میں زائرین کو مطلع کرے گا۔
ڈیجیٹل نقشے سے زائرین کو یہ سہولت ہو جاتی ہے کہ وہ براہ راست اس جگہ پہنچ جاتے ہیں جہاں جگہ خالی ہوتی ہے۔
