مہر خبررساں ایجنسی کی رپورٹ کے مطابق، ایران نے صوبہ یزد کی صغند مائننگ اور صنعتی کمپلیکس کے انوملی 10 زون میں تابکار مواد اور اس سے منسلک عناصر کے اخراج اور استعمال کا آغاز کر دیا ہے۔
اتوار کو ایران کی ایٹمی توانائی ایجنسی کے سربراہ محمد اسلمی کے صوبہ یزد کے دورے کے دوران اس آپریشن کا باقاعدہ آغاز کر دیا گیا ہے۔
انہوں نے نیوکلیئر انڈسٹری کے سینئر حکام اور یزد کے گورنر کے ہمراہ شہید سلیمانی مائننگ اینڈ انڈسٹریل کمپلیکس کے مختلف حصوں کا دورہ کیا۔
اس دوران کمپلیکس کے Anomaly-10 میں تابکار مادوں اور اس سے منسلک عناصر کو نکالنے اور استعمال کرنے کے آپریشن کا باضابطہ آغاز کیا گیا۔
صغند کے علاقے میں تابکار مادوں اور متعلقہ عناصر کے ذخائر کی نشاندہی کے بعد انوملی 10 زون میں ایکسپلوریشن اور نکالنے کی سرگرمیاں ستمبر 2023 سے جاری ہیں۔
اس سے پہلے ایران کی ایٹمی توانائی ایجنسی کے سربراہ نے اصفہان میں شہید رئیسی نیوکلیئر سائٹ (UCF) پر کئی منصوبوں کا افتتاح کیا، جن میں IR-46 اریڈیم ہیکسا فلورائیڈ پروڈکشن لائن، ایک جامع تکنیکی حفاظتی جانچ کی سہولت اور نیم صنعتی پیمانے پر جوہری آلات اور جوہری ہتھیاروں کی تنصیب شامل ہے۔
