سری نگر: وادی کشمیر میں ٹھٹھرتی سردیوں کا راج قائم رہنے کے بیچ اگلے چوبیس گھنٹوں کے دوران ہلکی برف باری کا امکان ہے۔
ماہر موسمیات فیضان عارف نے بتایا کہ جموں وکشمیر میں 15 جنوری کو موسم مجموعی طور پر خشک رہنے کا امکان ہے۔
انہوں نے کہا کہ بعد میں ایک مغربی ہوا کی آمد کے باعث 16 جنوری کو کشمیر کے کچھ حصوں میں ہلکی برف باری جبکہ جموں کے کچھ حصوں میں بارشیں متوقع ہیں۔
ان کا کہنا ہے کہ اس دوران گلمرگ، سونہ مرگ اور اننت ناگ، کولگام اور شوپیاں اضلاع کے بالائی علاقوں میں ہلکی سے درمیانی درجے کی برف باری کا امکان ہے جبکہ ڈوڈہ اور کشتواڑ اضلاع میں بارشیں متوقع ہیں۔
ماہر موسمیات کے مطابق وادی میں 17 جنوری کو موسم خشک رہنے کا مکان ہے۔
انہوں نے کہا کہ وادی میں 18 جنوری کو بھی موسم خشک رہنے کی ہی توقع ہے تاہم اس دوران کپوارہ، بانڈی پورہ، اننت ناگ (شمال کی طرف) اور گاندربل کے بالائی علاقوں میں ہلکی پھلکی برف باری کو خارج از امکان قرار نہیں دیا جا سکتا ہے۔
ان کا کہنا ہے کہ 19 اور 20 جنوری کو بھی موسم خشک رہ سکتا ہے تاہم اس دوران کچھ بالائی علاقوں میں ہلکی برف باری متوقع ہے۔
فیضان عارف نے بتایا کہ 21 جنوری کو ایک اور کمزور مغربی ہوا داخل ہوسکتی ہے۔
ادھر مطلع صاف رہنے سے وادی کے شبانہ درجہ حرارت مزید گراوٹ ریکارڈ ہوئی ہے۔
گرمائی دارلحکومت سری نگر میں کم سے کم درجہ حرارت منفی4.8 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت 4.2 ڈگری سینٹی گریڈ ریکارڈ ہوا تھا۔
سری نگر میں سال 1974 کے ماہ دسمبر میں کم سے کم درجہ حرارت منفی10.3 ڈگری سینٹی گریڈ اور 13 دسمبر سال 1964 کو شبانہ درجہ حرارت منفی 12.8 ڈگری سینٹی گریڈ ریکارڈ ہوا تھا۔
وادی کے شہرہ آفاق شہرہ آفاق سیاحتی مقام گلمرگ میں کم سے کم درجہ حرارت منفی6.2 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی6.5 ڈگری سینٹی گریڈ ریکارڈ ہوا تھا۔
وادی کے شہرہ آفاق سیاحتی مقام گلمرگ میں کم سے کم درجہ حرارت منفی7.4 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی6.2 ڈگری سینٹی گریڈ ریکارڈ ہوا تھا۔
وادی کے دوسر مشہور سیاحتی مقام پہلگام میں کم سے کم درجہ حرارت منفی8.4 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی7.8 ڈگری سینٹی گریڈ ریکارڈ ہوا تھا۔
وسطی کشمیر میں واقع وادی کے ایک اور سیاحتی مقام سونہ مرگ میں کم سے کم درجہ حرارت منفی9.3 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی7.8 ڈگری سینٹی گریڈ ریکارڈ ہوا ہے۔
سرحدی ضلع کپوارہ میں کم سے کم درجہ حرارت منفی4.7 ڈگری سینٹی گریڈ ریکارڈ کیا گیا جہاں گذشتہ شب بھی یہی درجہ حرارت ریکارڈ ہوا تھا۔
گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت منفی5.4 ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی5.6 ڈگری سینٹی گریڈ ریکارڈ ہوا تھا۔
شمالی کشمیر کے بارہمولہ اور بانڈی پورہ اضلاع میں شبانہ درجہ حرارت بالترتیب منفی3.4 ڈگری سینٹی گریڈ اور منفی4.7 ڈگری سینٹی گریڈ ریکارڈ ہوا ہے۔
وسطی کشمیر کے بڈگام اور گاندربل اضلاع میں کم سے کم درجہ حرارت بالترتیب منفی4.7 ڈگری سینٹی گریڈ اور منفی4.6 ڈگری سینٹی گریڈ ریکارڈ ہوا ہے۔
جنوبی کشمیر کے پلوامہ، کولگام اور شوپیاں اضلاع میں شبانہ درجہ حرارت بالترتیب منفی5.8 ڈگری سینٹی گریڈ، منفی5.8 ڈگری سینٹی گریڈ اور منفی7.9 ڈگری سینٹی گریڈ ریکارڈ ہوا ہے۔
لداخ یونین ٹریٹری کے ضلع لیہہ میں کم سے کم درجہ حرارت منفی12.2 ڈگری سینٹی گریڈ جبکہ ضلع کرگل میں کم سے کم درجہ حرارت منفی13.7 ڈگری سینٹی گریڈ ریکارڈ ہوا ہے۔
سائبیریا کے بعد دنیا کے دوسرے سرد ترین علاقہ دراس میں کم سے کم درجہ حرارت منفی22.0 ڈگری سینٹی گریڈ ریکارڈ ہوا ہے۔
قابل ذکر ہے کہ وادی میں سردیوں کا باد شاہ چالیس روزہ چلہ کلان بر سر اقتدار ہے جو 21 دسمبر سے شروع ہوکر 31 جنوری کو اختتام پذیر ہوجاتا ہے۔ یہ چلہ ٹھٹھرتی سردیوں اور بھاری باری کے لئے مشہور ہے۔
ہمیں فالو کریں
