حیدرآباد 11 جنوری(پریس نوٹ)ڈاکٹر اے پی جے عبدالکلام ویلفیئر سوسائٹی رجسٹرڈ حیدرآباد کے زیر اہتمام ایک انٹرنیشنل قدیم سکوں، کاغذی کرنسی اور قدیم نادر اشیاء پر مشتمل نمائش کا 25 جنوری تا 27 جنوری 2025 اردو گھر مغل پورہ حیدرآباد نزد آسرا ہاسپٹل چارمینار پر عظیم الشان بیمانے پر انعقاد عمل لایا جارہا ہے جناب سید عبدالحی قادری چیف انجینئر و سکریٹری سوسائٹی نے اپنے ایک صحافتی بیان میں بتایا کہ اس نمائش کو دیکھنے عوام کے لئے داخلہ مفت رہے گا تین دنوں تک جاری رہنے والی اس نمائش کے اوقات صبح 9 بجے تا شام 7 بجے مقرر کئے گئے ہیں انہوں نے بتایا کہ دنیا کے قدیم سکوں ،کاغذی کرنسی کے ساتھ ساتھ ڈاک ٹکٹ اور پینٹنگز کی نمائش تاریخ میں دلچسپی رکھنے والے ہر فرد کے لئے سیکھنے اور سمجھنے اور ان کی معلومات میں اضافہ کا باعث ہو گا سید عبدالحی قادری نے مزید بتایاکہ اس نمائش کی خصوصیات میں ساتویں صدی قبلِ کی بین الاقوامی سکے ، کاغذی کرنسی ، ڈاک ٹکٹ ، پینٹنگز باور دیگر أشیاء کا مخلوط بیگ پیش کیا جائیگا جو نمونے نہیں بلکہ نایاب اشیاء ہیں مزید تفصیلات کے لئے سید عبدالحی قادری کے سیل نمبر 8500212306 پر ربط پیدا کیا جاسکتا ہے
