جے پور: یہ ایک دل دہلا دینے والا واقعہ ہے۔ ایک شوہر نے اپنی بیمار بیوی کی بہتر دیکھ بھال کیلئے اپنی سرکاری ملازمت سے رضاکارانہ ریٹائرمنٹ (VRS) لینے کا فیصلہ کیا۔ وہ اپنی بیوی کی صحت کا خاص خیال رکھنا چاہتا تھا، لیکن قسمت کو کچھ اور ہی منظور تھا۔ ریٹائرمنٹ کی تقریب کے دوران ہی اس کی بیوی کا انتقال ہوگیا۔
تفصیلات کے مطابق، راجستھان کے کوٹا کے رہائشی دیویندر سندال مرکزی گودام کے محکمہ میں ملازم تھے۔ ان کی اہلیہ دیپیکا ایک گھریلو خاتون تھیں، جو کافی عرصہ سے دل کی بیماری میں مبتلا تھیں۔ ان دونوں کی کوئی اولاد نہیں تھی۔ دیویندر نے اپنی بیوی کا مکمل خیال رکھنے کیلئے تین سال قبل اپنی مدت ملازمت ختم کرتے ہوئے VRS لینے کا فیصلہ کیا۔
دیویندر کے دفتر کے ساتھیوں نے ان کیلئے ایک ریٹائرمنٹ تقریب کا انعقاد کیا، جس میں دیپیکا بھی شریک ہوئیں۔ تقریب کے دوران دیویندر اور دیپیکا کو کرسیوں پر بٹھایا گیا اور انہیں پھولوں کے ہار پہنائے گئے۔ ملازمین نے ان کے ساتھ یادگار تصاویر بھی لیں۔
اسی دوران دیپیکا اچانک پیچھے گر گئیں۔ انہیں فوراً اسپتال لے جایا گیا، جہاں ڈاکٹروں نے ان کے انتقال کی تصدیق کر دی۔ اس حادثہ نے دیویندر اور ان کے قریبی ساتھیوں کو گہرے صدمے میں ڈال دیا۔ یہ واقعہ ان لمحوں کی یاد دہانی ہے جب زندگی اچانک ہمارے منصوبوں کو بدل کر رکھ دیتی ہے۔
ہمیں فالو کریں
