اجیت پوار کی انٹری سے شندے دھڑا خوف زدہ؟ تمام کام چھوڑ کر وزیر اعلیٰ نے طلب کیا قانون سازوں کا اجلاس

خیال رہے کہ گزشتہ سال جون میں ایکناتھ شندے نے 40 ایم ایل اے اور 10 آزاد قانون سازوں کے ساتھ شیو سینا چھوڑ کر بی جے پی کے ساتھ مل کر حکومت بنائی تھی۔ جب مہاوکاس اگھاڑی کی حکومت تھی تو خود ایکناتھ شندے نے الزام لگایا تھا کہ اس وقت کے نائب وزیر اعلی اجیت پوار ان کے ایم ایل اے کے ساتھ ناانصافی کر رہے تھے۔ انہوں نے کہا کہ وہ ہمارے ایم ایل اے کو فنڈز نہیں دے رہے تھے اس لیے ہم نے اس حکومت کو چھوڑ دیا ہے۔

لیکن اب وہی اجیت پوار شندے فڑنویس حکومت میں شامل ہو گئے ہیں۔ ایسے میں شندے دھڑے کے ایم ایل اے کا ماننا ہے کہ اتحاد میں اجیت پوار کو شامل کرنے سے پھر فنڈز کا مسئلہ پیدا ہو سکتا ہے۔