[]
حیدرآباد: آندھراپردیش کے ضلع کڑپہ میں ہول سیل مارکٹ کی ایک دکان میں اچانک آگ لگ گئی۔
ذرائع کے مطابق کل شب اچانک یہ آگ لگی جس کے نتیجہ میں دوکروڑروپئے کا مالی نقصان ہوا ہے۔
آگ اتنی شدید تھی کہ تین فائرانجنوں کے عملہ نے کافی جدوجہد کے بعد اس پر قابو پایا۔
ذرائع کے مطابق اس دکان میں بڑے پیمانہ پر خشک میوہ جات ہونے کے نتیجہ میں آگ تیزی کے ساتھ پھیلی۔
آگ کے بلند شعلے نظرآرہے تھے۔شبہ کیاجارہا ہے کہ شارٹ سرکٹ کے نتیجہ میں یہ واقعہ پیش آیا۔
ا س واقعہ میں کسی بھی قسم کے جانی نقصان یا پھر کسی کے جھلسنے کی کوئی اطلاع نہیں ہے۔
پولیس نے اس سلسلہ میں ایک معاملہ درج کرلیا۔
