والد کو کڈنی دینے پر روہنی کا بی جے پی کو سخت جواب-’ ہمت ہو تو جانچ کرالیں، غلط ثابت ہوئی تو سیاست چھوڑ دوں گی‘

رام مندر کے سوال پر روہنی نے کہا کہ رام میرے دل میں بستے ہیں، ہم بچپن سے پوجا کرتے آئے ہیں۔ اپنی والدہ اور والد کا آشیرواد لے کر میں ہر روز انتخابی مہم کے لیے نکلتی ہوں۔ روہنی نے کہا کہ میرے والد لالو یادو کہتے ہیں کہ بزرگوں اور خواتین کا آشیرواد لیں، میں سچے دل سے عوام کی خدمت کرنے نکلی ہوں۔ روہنی بھوجپوری میں کہتی ہیں کہ عوام کہہ رہے ہیں کہ پہلے تو بھی ووٹ آپ کو ہی دیا تھا لیکن پتہ نہیں کہاں چلاگیا۔ اس بار عوام ہوشیار ہو چکی ہے۔ 4 جون کو عوام کا جو فیصلہ ہوگا، اسے قبول کروں گی۔