[]
حیدرآباد: یہ خبر انتہائی افسوس کے ساتھ دی جاتی ہے کہ روزنامہ منصف کے سینئر کمپیوٹر آپریٹر محمد عبدالسلام ولد عبدالستار کا58 سال کی عمر میں انتقال ہوگیا۔ 31 مارچ بروز اتوار کی رات مرحوم کی اچانک طبیعت خراب ہونے پر اُنہیں ہاسپٹل منتقل کیا گیا جہاں ڈاکٹروں نے اُن کی موت کی تصدیق کردی۔
اُن کے انتقال کی خبر کے ساتھ ہی صحافت سے تعلق رکھنے والے اُن کے دوست واحباب کےعلاوہ روزنامہ منصف کے اسٹاف میں غم کی لہر دوڑ گئی۔ مرحوم ہردلعزیز شخصیت کے مالک تھے وہ کافی ملنسار اور خوش دل تھے۔
مرحوم کی نعش اُن کے آبائی مقام جگتیال ضلع مٹ پلی منتقل کی گئی جہاں یکم اپریل بروز پیر کونماز جنازہ بسم اللہ مسجد اولڈ بس اسٹانڈ مٹ پلی میں بعد نماز ظہر ادا کی گئی اور تدفین متصل قبرستان میں عمل میں آئی۔ مزید تفصیلات 6303293464 پر حاصل کی جاسکتی ہیں۔
ہمیں فالو کریں
