’اب کی بار، بھاجپا تڑی پار‘، رام لیلا میدان سے ادھو ٹھاکرے کا نعرہ

ادھوٹھاکرے نے کہا کہ ایک شخص اور ایک پارٹی کی حکومت ملک کے لیے خطرہ ہو گئی ہے۔ اگر ہم ملک کو بچانا چاہتے ہیں تو ہمیں ایک شخص اور ایک پارٹی کی حکومت کو ختم کرنا ہوگا اور ملی جلی حکومت لانی ہوگی۔ ایسی حکومت لانی ہوگی جو تمام ریاستوں کا احترام کرے، تب ہی ملک بچ سکے گا۔ انہوں نے  کسانوں سے اپیل کرتے ہوئے کہا کہ جس طرح بی جے پی نے آپ کو دہلی میں آنے سے روکا اسی طرح آنے والے الیکشن کے بعد بی جے پی کو دہلی میں آنے سے روکیے۔