[]
واشنگٹن: امریکہ میں فیڈرل ایوی ایشن ایڈمنسٹریشن (ایف اے اے) نے سورج گرہن سے قبل پائلٹس کے لیے وارننگ جاری کی ہے۔ غیر ملکی ذرائع ابلاغ کے مطابق 8 اپریل کو سورج گرہن کے دوران امریکہ میں ایئر ٹریفک میں ممکنہ تاخیر اور رکاوٹوں سے متعلق خبردار کردیا گیا ہے۔
رپورٹ میں بتایا گیا ہے کہ مکمل سورج گرہن جنوبی بحرالکاہل کے اوپر سے شروع ہوگا اور اس کا راستہ تقریباً 1830سے 1940 UTC تک امریکہ کو متاثر کرے گا۔ رپورٹ کے مطابق یہ سورج گرہن میکسیکو، امریکہ اور کینیڈا سے گزرتے ہوئے شمالی امریکا کو عبور کرے گا۔
ایف اے اے نے اس حوالے سے پائلٹس کو 7 سے 10 اپریل کے دوران سورج گرہن کے راستے میں موجود ایئر ٹریفک اور ایئر پورٹس پر اس کے ممکنہ اثرات سے متعلق وارننگ جاری کردی ہے۔
ایف آئی اے کے مطابق پائلٹس گرہن کے راستے میں واقع ایئر پورٹس پر آپریشنل تبدیلیوں اور ٹریفک کے اوسط سے زیادہ حجم کے لیے اپنی تیاری مکمل رکھیں۔
ہمیں فالو کریں
