بالٹی مور پل حادثہ: لاپتہ 6 افراد مردہ قرار، امریکی کوسٹ گارڈ کی تلاشی مہم ختم

یہ سب لاپتہ ہیں اور حالات کو دیکھ کر اندازہ لگایا جا رہا تھا کہ شاید ہی زندہ ہوں گے۔ امریکی کوسٹ گارڈ حکام کا کہنا تھا کہ جیسے جیسے وقت گزر رہا تھا ریسکیو آپریشن مشکل ہوتا جا رہا تھا۔ ایک عہدیدار نے بتایا کہ پانی کے درجہ حرارت اور تیرتے ملبے کی وجہ سے تلاشی مہم کا عمل کافی مشکل ہو گیا۔

یاد رہے کہ بالٹی مور میں منگل کو علی الصبح ’فرانسس اسکاٹ کی برج‘ نامی پل اس وقت بھربھرا کر گر گیا جب ایک بڑا پانی کا جہاز اس سے ٹکرا گیا۔ اس حادثہ کے بعد سے چھ افراد لاپتہ تھے، جنہیں تلاش کیا جا رہا تھا۔ ایکس پر پوسٹ کی گئی ایک ویڈیو میں دیکھا جا سکتا ہے کہ ایک جہاز پل سے ٹکرا گیا۔ ڈوبنے سے قبل اس میں آگ لگ گئی، اس سے برج پر موجود کئی گاڑیواں پٹاپسکو دریا میں گر گئیں۔

پل سے ٹکرانے والا جہاز ایک کنٹینر بردار جہاز ہے جس پر سنگاپور کا جھنڈا لگا ہوا ہے۔ اس میں سوار 22 رکنی عملہ کے تمام ارکان ہندوستانی ہیں اور سبھی محفوظ ہیں۔ یہ اطلاع شپنگ کمپنی نے دی۔ جہاز بالٹی مور سے کولمبور جا رہا تھا۔ بیان میں کہا گیا کہ امریکی ساحلی محافظوں اور مقامی حکام کے علاوہ مالکان اور منیجرز کو بھی آگاہ کر دیا گیا تھا۔ میڈیا کی خبروں کے مطابق، امریکی حکام نے بتایا کہ جہاز کے عملے نے ٹکرانے سے پہلے بجلی کی خرابی کی اطلاع دی تھی اور میری لینڈ کے گورنر ویس مور نے کہا کہ انہوں نے بروقت خبردار کر کے لوگوں کی جانیں بچائی ہیں۔