غازی پور: ہائی وولٹیج تار کی زد میں آنے سے بس آگ کے گولہ میں تبدیل، زندہ جلنے سے 6 لوگوں کی موت

بس میں سوار میرا نامی ایک خاتون نے بتایا کہ بس میں تقریباً 40 سے 50 لوگ سفر کر رہے تھے۔ ان میں سے کئی لوگوں کی موت ہو گئی ہے۔ میرا نے روتے ہوئے بتایا کہ وہ بارات کے ساتھ غازی پور کے مہارے جا رہے تھے۔ راستے میں اچانک بس میں آگ لگ گئی۔ بس میں بہت سے لوگ تھے۔ میں بس میں آگے کی جانب بیٹھی تھی، کسی بچانے والے نے مجھے باہر پھینک دیا۔ میرے بچے بھی اسی بس میں تھے جو آگ کی زد میں آگئے۔