[]
واشنگٹن: مصری اعلی حکام نے کہا ہے کہ اسرائیل کے ساتھ مذاکرات مشکل پیش رفت کے باوجود جاری ہیں۔ القاہرہ نیوز ٹی وی کی خبر کے مطابق، غزہ میں جنگ بندی کےلیے قاہرہ میں مذاکرات کا دور جاری ہے جس میں امریکہ، مصر،قطر اور حماس کے حکام ماہ رمضان سے قبل جنگ بندی کی بحالی کے لیے کوششیں کر رہے ہیں۔
خبر میں بتایا گیا ہے کہ مذاکراتی دور مشکل ضرور ہے مگر تسلسل سے جاری ہے ۔ دریں اثنا، اسرائیلی چینل 13 نے ایک اسرائیلی عہدےدار کے حوالے سے بتایا ہے کہ تل ابیب حکومت نے غز ہ میں جنگ بندی اور طرفین کے درمیان اسیروں کے تبادلے سے متعلق تجویز حماس کو پیش کر دی ہے جس کا جواب متوقع ہے۔
دوسری جانب، امریکی صدر جو بائیڈن کہا ہے کہ غز ہ میں ممکنہ جنگ بندی کی بحالی حماس سے وابستہ ہے۔
بائیڈن نے واشنگٹن میں نامہ نگاروں سے گفتگوکے دوران کہا کہ جنگ بندی کی بحالی حماس کے ہاتھوں میں ہے،اسرائیلی حکومت اس سلسلے میں تعاون کر رہی ہے جس نے انتہائی معقول تجویز بھی پیش کی ہے ،چند دنوں میں ہم سب کو حقیقت معلوم ہو جائے گی ۔
ہمیں فالو کریں
