[]
حیدرآباد: سماج در پن کے زیر اہتمام 26 واں سالانہ مزاحیہ مشاعرہ کل 3 مارچ بروز اتوار شام 6:30 بجے للت کلا تھورنم پبلک گارڈن نامیلی رو برو حج ہاؤز منعقد ہوگا۔
اس مشاعرہ میں ملک گیر شہرت یافتہ اُردو ہندی کے طنز و مزاح کے شعرا تمیز پرواز اجیت گپتا، ٹیم کل جگتیالی، شیخ احمد ضیا سراج شولا پوری وینو گوپال بھنڈ بیلین نظام آبادی کھٹ پٹ بھنسوی، راجندر کمار او پادھیائے حامد سلیم شاہد عدیلی، فرید سحر لطیف الدین لطیف، کملا کر دلیر نجیب الدین نجیب اور وحید پاشاہ قادری حصہ لیں گے اور طنز و مزاح سے بھر پور اپنا تازہ کلام پیش کریں گے۔
ڈاکٹر شجاعت علی آئی آئی ایس کی صدارت میں منعقد ہونے والے اس یادگار مزاحیہ مشاعرہ کی نظامت منور علی مختصر کریں گے جبکہ کنونیز وحید پاشاہ قادری ہوں گے۔ ان کی معاونت سید سلیم الدین کریں گے۔
اس مزاحیہ مشاعرہ میں تلنگانہ وقف بورڈ کے نئے صدرنشین جناب سید عظمت اللہ حسینی کو تہنیت پیش کی جائے گی۔ سابق صدر نشین مائناریٹی کمیشن محمد قمر الدین، یونیک گروپ آف اسکولس اینڈ کالجس کے بانی جناب مقبول علی خان اور ان کی اہلیہ محترمہ حبیب النساء، ایم اے مجید پستہ ہاؤز اور صنعتکار ایم ۔ اے جبار اس مشاعرہ میں بحیثیت مہمانان خصوصی شرکت کریں گے۔
ثروت علی سکریٹری سماج در پن کے مطابق مشاعرہ میں شائقین کو داخلے کی عام اجازت رہے گی۔ مزید تفصیلات فون نمبر 9392388291 سے حاصل کی جاسکتی ہیں۔
ہمیں فالو کریں
