[]
اے این آئی نے آر پی ایف کے حوالے سے بتایا ’’جے پور ایکسپریس ٹرین (12956) کے اندر فائرنگ کے واقعے میں اے ایس آئی سمیت چار ہلاکتوں کی اطلاع ملی ہے۔ ملزم کو گرفتار کر لیا گیا ہے۔ ڈی سی پی نارتھ جی آر پی کو مطلع کر دیا گیا ہے۔‘‘
ملزم آر پی ایف کانسٹیبل کی شناخت چیتن چودھری کے طور پر کی گئی ہے۔ پی ٹی آئی اور ہندوستان ٹائمز کے مطابق، چیتن نے پہلے کوچ بی-5 میں ایک سینئر افسر ٹیکارام مینا کو گولی مار کر ہلاک کیا۔ اس کے بعد اس نے اسی کوچ میں سوار ایک مسافر عبدالقادر بھائی بھانپور والا کو گولی مار کر ہلاک کر دیا۔
